لوک سوال کردے نیں کہ، بلوچستان دے طالب علم بلوچستان دی حکومت تو مفت تعلیم دی منگ کرن دی بجائے، پنجاب حکومت کولوں پنجاب اچ مفت تعلیم دی منگ کیوں کردے نیں؟
کیہ پنجاب دے سارے طالب علماں کول پنجاب دے گورنمنٹ کالجز تے یونیورسٹیز اچ مفت تعلیم حاصل کرن دی سہولت موجود اے؟
اصل اچ، گل شروع ہوندی ہے 2012 توں۔ جد اوس ویلے دی مُنتخب حکومتِ پنجاب نے بلوچستان دے طلبہ نوں پنجاب دے نامور اداریاں اچ پڑھن آستے کوٹہ سسٹم جاری کیتا۔ مگر اے کوٹہ سسٹم جذباتی تے کافی حد تیکر بے وقوفانہ ثابت ہویا۔
کوٹہ سسٹم دے تحت اک شُعبہ دے ڈگری پروگرام اچ 40 سیٹاں میرٹ تے ہون گیاں تے 41ویں سیٹ اک بلوچی نوں دے دتی جائے گی۔ اس سیٹ ہولڈر دی جے توسی قابلیت ویکھو تے اے 41 نمبر آلے نہیں بلکہ 141 نمبر آلے توں وی گھٹ قابلیت آلا ہوندا ہے۔
ایس توں علاوہ بلوچستان سیٹ واسطے اخراجات جنہاں اچ یونیورسٹی فیس، ڈیپارٹمنٹل فیس، ٹرانسپورٹ فیس، ہوسٹل فیس تے ماہانہ 3000 وظیفہ وی حکومت پنجاب indirectly پنجاب دی عوام برداشت کردی اے۔ ایس سسٹم نوں ویکھ کہ پنجاب فے طلبہ جیہڑے میرٹ تے اون واسطے ڈھیراں نمبر لے کہ داخلہ لیندے، ایہناں اچ محرومی ودھ گئی۔ نہ ہی کوئی کوٹہ، نہ ہی کویہ وظیفہ، نہ کوئی سہولت، نہ ہی میرٹ اچ کوئی نرمی، پنجاب حکومت ولوں ے نہ ہی بلوچستان ولوں۔
اٹھارویں ترمیم دے وادھے توں بعد جدوں ہر صوبہ اپنے انتظامی امور آپ ہی ویکھدا اے، بلوچستان حکومت اپنے students واسطے ایہو جہیاں یونیورسٹیاں کیوں نہیں بناندی جیہڑی پنجاب فے students اپنے صوبے اپنے گھراں اچ رہ کہ تعلیم حاصل کرن۔
ایس توں نہ ہی پنجاب دے طلبہ اچ احساس محرومی پیدا ہووے گی تے نہ ہی پنجاب دیاں سڑکاں ایہناں students دے مطالبات واسطے احتجاج لئی بلاک ہوون گئیاں تے پنجاب فی عوام دا پیسہ ایہناں دی نوجوان نسل تے خرچ ہووے گا۔ ویسے وی آبادی دے حساب نال پنجاب اچ گورنمنٹ تعلیمی ادارے گھٹ ہون دی وجہ توں پنجاب دے طالب علم پہلے ای پرائیویٹ تعلیمی ادارے وچ رُل رہے نیں۔
اس واسطے، بلوچستان دے جو بلوچی طالب علم پنجاب اچ مفت تعلیم تے کوٹے واسطے پنجاب وچ مارچ کر رہے نیں، ساڈا اپنے اوناں بلوچی بھراواں نوں برادانہ مشورہ وی ہے تے اپیل وی، کہ اے لانگ مارچ پنجاب دے بجائے بلوچستان اچ جا کے کرو، تے بلوچستان دی صوبائی حکومت تو اپنا حق منگوں، پنجاب دے طالب علماں دے حق تے ڈاکہ مارنا کوئی چنگی گل نہی۔
تے نال ای ساڈی پنجاب حکومت تو وی اپیل اے کہ، او بین الصوبائی ہم آہنگی تے بھائی چارے واسطے، بلوچستان دے طالب علماں نوں پنجاب اچ مفت تعلیم تے کوٹہ دینڑ دی بجائے، بلوچستان تے فاٹا دے علاقے اچ پنجاب دی وڈی یونیورسٹیز دے کمپس بناۓ، تاکہ بلوچستان تے فاٹا دے طالب علماں نوں اپنے قریبی علاقے اچ چنگی تے سستی تعلیم مل سکے۔ انج پنجاب دے طالب علماں دی حق تلفی وی نہ ہوسی تے بلوچستان تے فاٹا دے طالب علماں نوں اپنے قریبی علاقے اچ سستی تعلیم وی مل جاسی۔ شکریہ
کوئی تبصرے نہیں:
ایک تبصرہ شائع کریں