آئل اینڈ گیس ریگولیٹری اتھارٹی
(اوگرا) دی سالانہ رپورٹ
2016-17ء دے مطابق بلوچستان اچ،
پاکستان وچ پیدا ہن آلی
کل گیس دا صرف 13 فیصد (13٪) پیدا
ہوندا اے۔
جبکہ 2 فیصد (2٪) گیس بلوچستان دے وچ ای استعمال ہو جاندی اے۔ تے باقی صرف 11 فیصد (11٪) گیس بلوچستان تو باہر سپلائی کیتی جاندی اے۔
ہون اس 11 فیصد (11٪) گیس سپلائی تے کج لوکاں آسمان سر تے چکیا ہویا ہے کہ بلوچستان دی گیس اور ٹکڑوں تے سارا ملک چل ریا اے، وغیرہ وغیرہ
اوہناں دی معلومات واسطے اے وی عرض ہے کہ، اس 11 فیصد (11٪) گیس دے پیسے وی بلوچستان حکومت نوں ادا کیتے جاندے نیں۔ تے جتھے تک پنجاب دی گل ہے، پنجاب اچ جو وی گھر یا فیکٹری گیس استعمال کرے، او اس دا بل ادا کردے نیں۔ جے بل ادا نہ کرن تے کنیکشن کٹ دتا جاندا اے۔
ہون جے، اس 11 فیصد (11٪) گیس دے پیسے بلوچستان دی عوام تک نہی پہنچدے، تے فر اے بلوچستان دے لوکاں دا فرض ہے کہ، او بلوچستان دے سرداراں تے سیاستداناں تو سوال کرن، کہ گیس رائلٹی دا پیسہ کیتھے گیا؟
دوسری گل اے ہے کہ، گوادر نوں خرید کے بلوچستان دا حصہ بنان آلا اک پنجابی فیروز خان نون ہائ، تے اس دی قیمت وی وفاق نے ادا کیتی ہائ۔ چنگے لوک احسان یاد رکھدے نیں۔ تے بلوچستان دے لوکاں نوں وی اسی چنگا ای سمجھدے آں۔
تے آخری گل، اسی پاکستان دے 4 صوبیاں دے درمیان انصاف چاہندے آں، اسی سندھی، بلوچی تے پشتون نوں اپنا بھائی سمجھدے آں، تے اس دی عملی مثال اے ہے کہ اس ٹائم وی پنجاب دا وزیر اعلی اک بلوچی ہے، اور پنجاب حکومت اٹھارویں ترمیم دے بعد وی بلوچستان دے ہزاراں طالب علماں نوں مفت تعلیم دی رہی ہے، اسی سندھی، بلوچی تے پشتون بھائیاں توں وی انج دی چنگی امید رکھدے آں۔
آو سارے مل کے پاکستان دے 4 صوبیاں دے درمیان سیاستداناں دی پھیلیاں غلط فیہمیاں نوں دور کر کے، 4 صوبیاں دی عوام دی فلاح و بہبود تے علاقے دی ترقی واسطے کم کریے۔ شکریہ
حوالہ
https://tribune.com.pk/story/1630870/punjab-displaces-sindh-largest-consumer-gas
کوئی تبصرے نہیں:
ایک تبصرہ شائع کریں