وزیراعظم عمران خان نے کرونا پاروں عوام واسطے وڈے ریلیف پیکج دا اعلان کر دتا

اسلام آباد : وزیراعظم عمران خاݨ ملک اچ کورونا وائرس دی عالمی وبا پاروں معاشی سرگرمیاں چے تعطل دے اثرات ناݪ نبڑن واسطے مختلف شعبیاں واسطے وݙے ریلیف پیکیج دا اعلان کیتا۔ اے اعلان اونہاں اسلام آباد اچ سینئر صحافیاں ناݪ ملدے ہوئے کیتا، جو سانوں اڄ وݙا خطرہ کرونا توں نئیں، کرونا تے ڈر توں غلط فیصلے کرݨ توں اے،کیوں جے ہر فیصلے دے اثرات پوندن، اسیں ملکی حالات واسطے  اے فیصلہ کرݨے جو ایہدے اثرات کیتے کورونا توں ودھ تباہی تاں نہ پھیلا دیون ڳے۔

اونہان دسیا کہ پیکج اچ مزدور طبقے کیتے 200ارب روپے رکھے ڳئے، صنعتی مزدوراں نوں بے روزگاری توں بچاوݨ واسطےے مِل مالکان ناݪ ڳٰل کرݨ ڳے جو او نوکریاں توں فارغ نہ کرݨ۔ اونہاں آکھیا جو ایکسپورٹ اتے انڈسٹری سانگے فوری طور تے 100ارب دے ٹیکس ری فنڈ کیتے ڄاوݨ ڳے۔
چھوٹی تے درمیانے درجے دی صنعت دے ناݪ ناݪ زراعت کیتے 100ارب روپے رکھے نیݨ، انہاں تے قرض تے سوددی ادائیگی موخر کرائی ڄاوے ڳی،  تے رعایتی قرض وی دیوݨ، سودھ اکساناں دے ان پٹ ودھاوݨ کیتے پیسہ رکھیا۔ ایں اوکھے ویلے جیوݨ آلے ٹٻراں کیتے چار مہینے سانگے 150ارب روپے رکھیے ڳئے، جیہنوں ہر مہینے 3ہزار روپے دتے ڄاون جداں جو پناہ گاہیں نوں ودھایا ویسی اتے مکمل چیکنگ کیتی ویسی۔
وزیر اعظم یوٹیلیٹی اسٹورز واسطےے 50ارب روپے ، کݨک دی دستیابی واسطے 280ارب روپے دیوݨ دا اعلان کیتا ہوئے خوشخبری دتی اے جو پیٹرول، ڈیزل، لائٹ ڈیزل، کیروسین دیاں قیمتاں اچ 15روپے فی لیٹر کمی کیتی ڄاوے ڳی، اتے لوک ترائے مہینے دی قسط اچ بجلی اتے گیس دا بل بھر سکن ڳے۔

عمران خان 50ارب روپے میڈیکل ورکرز نوں دیوݨ،کھاوݨ پیوݨ دیاں شئیں دال چاول، گھیو وغیرہ تے ٹیکسز مکا دے، تے لاک ڈاون دی صورت اچ ہنگامی صورتحال واسطے وی 100ارب روپے مختص کیتے نیں۔

اونہاں نیشنل ڈیزاسٹر مینجمنٹ اتھارٹی کیتے 25ارب روپے ،تعمیرات دی صنعت وااسطے آن والے دو ترائے ڈینھ اچ اک پیکج دا اعلان کیتا ڄاوے ڳاـ