انڈیا؛ نربھیا ریپ تے قتل کیس دے مڄرماں نوں پھانسی دے دتی ڳئی

 انڈیا دے دارلحکومت دلی چے 2012 چے اک طالبہ دے اجتماعی ریپ تے قتل تے مجرماں نوں پھانسی دے دتی ڳئی اےـ

اکشے ٹھاکر، ونے شرما، پون گپتا تے مکیش سنگھ نوں 2013 چے دلی دی اک عدالت نے سزائے موت سنائی سی ـ ہݨ سپریم کورٹ انہاں وچوں دو ولوں نظرسانی درخواست نوں مسترد کرݨ توں بعد، پچھلے دن انہاں چاراں مجرماں نوں پھانسی دے دتی ڳئی ـ

چاراں مڄرماں نوں تہاڑ جیل چے پھانسی دتی ڳئی، انڈیا چے 2015 توں بعد کسے وی مڄرم نوں پھانسی دیݨ دا ایہ پہلا واقعہ اےـ

تفصیلاں دے مطابق 2012 چے بھارت دی راج دھانی دلی چے اک سٹوڈنٹ ناݪ اجتماعی زیادتی توں بعد قتل دا واقعہ پیش آیا سی، انہاں مڄرماں نوں 2013 چے دلی دی اک عدالت نے موت سزا دتی سی، ڄیس توں انہاں چار مڄرماں چوں دو نے سپریم کورٹ چے دوبارہ اپیل کیتی ـ تاہم سپریم کورٹ توں اپیل مسترد ہوݨ توں بعد، پچھلے دن انہاں چار مڄرماں نوں تیاڑ جیل چے پھانسی دتی ڳئی اےـ

ایس واقعے توں بعد دلی سمیت ملک دے کافی شہراں چے مظاہرے کیتے ڳئے تے لوکائی اس طالبہ نوں انصاف دلاݨ لئی گھراں چوں باہر نکلی، پھانسی توں بعد لوکاں دا کہنا اے کہ اڄ اس نہتی طالبہ نوں انصاف ملیا تے ایہ سزا معاشرے چے مجود ایہے ڄئے عناصر واسطے اک سبق وی ہووے ڳاـ