محبت اَنّی ہوندی اے؛ نابینا انڈین جوڑے دے اَنّے پیار دی کہاݨی

کہاوت اے کہ پیار اَنّا ہوندا اے، جد دو نبینا لوک آپس چے ملدے نیں تے فیر کی ہوندا اے؟

ایہ اک الگ طرح دا پیار ہوندا اے، ایسا پیار ڄیس وچ ظاہری شکل و صورت دی کوئی اہمیت نئیں ہوندی، ایہ پیار ظاہر توں

بالاتر ہوندا اے"، اے شَٻد نیں انڈین ایوارڈ یافتہ فوٹوگرافر نیرڄ دےـ

 اوہناں نیں اپݨی اک فوٹو سیرس "مقدس پیار" چے 13 تصویراں چے اک کاݨی پیش کیتی اےـ نیرڄ ڳیرا نے اپݨے اک انٹرویو چے دسیا کہ 'میں پچھلے سال جولائی دے مہینے چے دلی دے کناٹ پیلس چے سی، ڄدوں میری نظر اک خوبصورت جوڑے تے پئی، اوہ ہتھاں چے ہتھ ، ڳٰلاں کردے ہوئے، مسکراندے ہوئے ڄا رئے سی ـ

اک شخص ایس جوڑے نوں کٹاس پیلس دے میٹروسٹیشن چے رہنمائی کرریا سی، ڳیرا نے آکھیا کہ اوہنے اڳے ودھ کہ ایس ڄوڑے نوں مدد دی پیشکش کیتی،

ایس دوران اوہناں چے ڳٰل بات شروع ہوڳئی، ڳیرا نے پچھیا کہ، کیہ اوہ آپݨی کہاݨی سݨانا چاہے تے اوہناں نے "ہاں" چے سر ہلایا ـ

'سیریز'مقدس پار' 21 سالہ دیپک یادو تے آرتی چورسیا دی کہاݨی اے، ڄیہڑے فیس بک تے ملے سی ـ

دیپک نے دسیا کہ اوہناں دناں چے سمارٹ فون چے اک ایپ سی جو نبینا لوکاں لئی بݨی سی، ایس ایپ توں ایناں نوں آواز دے راہیں فیڈ بیک ملدا اےـ

دیپک نے اوناں نوں دسیا کہ سَن 2018 دے جون دے مہینے چے اوہناں نوں اک نوٹیفیکیشن چے آرتی دا ناں دوستی لئی تجویز ہویا، اوہناں دسیا کہ اوہناں تے آرتی دے درمیان بیت ڳٰلاں سانجھیاں سی، ایس لئی اوہنے ریکوست بھیج دتی ـ

ڄَلد ہی اوہناں دوناں دے درمیان پیغاماں دا سلسلہ شروع ہوئیا، فیر ڳٰل فون نمبراں دے بدلے تک پوہنچ ڳئی ـ

دیپک نے دسیا کہ پہلی وار فون تے اوہناں دی ڳٰل 31 جوضائی نوں ہوئی تے آرتی نے جملہ ختم کردے ہوئے آکھیا کہ 90 منٹ تک ڄاری رئی ـ

فیر اوہناں دے درمیان ڳٰل بات دا سلسلہ شروع ہویا تے دیپک نے دسیا کہ آرتی نے ڄَلد ہی اوہناں کوݪوں پچھ لیا کہ اوہناں دے کوئی گرل فرینڈ اے؟ تے دیپک نے جوب دتا سی، اوہناں دی زندگی چے ہالے ایہ خانہ خالہ اےـ فیر آرتی نوں آپݨے جزبات دا اظہار کرݨ تے زیادہ وقت نئیں لڳیاـ ایہ 10 اگست نوں ہویاـ

آرتی نے دسیا کہ "اسی فون تے ڳٰل کردے ہوندے سی، میری اک سہیلی وی میرا ساتھ دیندی سی، اوہنے مینوں آئی لو ہو کہݨ دا چیلنج کیتا تے، میں کہ دتاـ

ایس توں دو مہینے بعد دیپک آرتی دے ہاسٹل ڳیا، جتھے اوہناں دی پہلی ملاقات ہوئی، ایس توں بعد ملاقاتاں ہوندیاں رئیاں، تے اوہناں دا تعلق ہور گہرا ہوندا ڳیاـ

آرتی نے دسیا کہ ڄِداں ہی اوہناں چوں کسے اک نوں نوکری ملے ڳی تے اوہ منڳنی کر لیݨ ڳے، پر کئی وار ڈر لڳدا اے کہ کتھے اوہ شادی توں پہلاں ہی بݙھے نہ ہو ڄاوےـ