کیہ پنجابی سِکھاں دی زبان اے؟
جی نہیں، ایس لئی کہ،
سکھ مذہب 15ویں صدی وچ سامنے آیا. جد کہ پنجاب اس توں بہت پہلاں ہی صوفیاء اکرام(ع) دی مسلسل تبلیغ دے نتیجے وچ مسلم اکثریتی خطہ بن چکیا سی. اور صوفیاء(ع) نے اپنی تبلیغ لئی ہمیشہ پنجابی زبان نوں ہی ورتیا۔ پنجابی زبان وچ اسلامی شاعری تے ادب 11ویں صدی توں موجود اے۔
پنجاب وچ سکھ ہمیشہ تیجی(3) اقلیت ای رہے. 1941ء دی مردم شماری مطابق وی متحدہ پنجاب وچ مسلمان پنجابی 53%، ہندو پنجابی 29% تے سکھ پنجابی 15% سن.
پنجابی پوری اسلامی دنیا وچ مسلماناں دی تیجی (3)، برصغیر دے مسلماناں دی دوجی (2) تے دنیا دی نویں (9) وڈی زبان اے
اس واسطے اپنڑے وڈے بزرگاں وانگ بڑے مان تے فخر نال اپنی ماں بولی پنجابی پڑھو، لکھو تے بولو۔ اپنی ماں بولی وچ بولنا نبیاں/انبیا(ع) دی سنت وی اے۔ شکریہ
پنجابی زبان دے لہجے۔۔۔
لہجے زباناں دا حُسن ہوندے نیں کوہجھ نہیں، عالمی اُصول اے کہ زبان جِنے وڈے علاقے وچ بولی جاندی ہووے اس دے لہجے وی اونے چوکھے ہون گے۔ دنیا دِیاں وڈیاں زباناں انگریزی، عربی، چینی تے ہندی دے وی بہت زیادہ لہجے نیں۔ صرف چینی زبان دے گھٹ ودھ چوراسی (84) لہجے نیں۔ ایسے طراں پنجابی زبان دنیا دِیاں ست ہزار (7000) زباناں وچ ناویں نمبر تے وے تے اس دے وی کئی لہجے نیں۔
کجھ چونْویاں لہجیاں دے ناں کجھ انج نیں۔
ماجھی، ملتانْی، ریاستی/بہاولپوری، ہندکو، پوٹھوہاری، جٹکی/جھنگوچی، تھلوچی، شاہ پوری، ڈیرہ والی، پشوری، چھاچھی، دوآبی، مالوی، ڈوگری، پہاڑی، گوجری، روہی، دھنی،"
پنجابی زبان دے سارے لہجے آپس وچ بھرویں سانجھ رکھدے نیں۔ اِکا دُکا لفظاں دا فرق تے ہے پر گرائمر سانجھی اے۔ ہر لہجے دی خوبصورتی تے اہمیت اپنا پورا وجود رکھدی اے
ایناں لہجیاں دے دستاویزی ثبوت وی موجود نیں، جناں وچوں اک بہاولپور دا گزٹیر (رپورٹ) اے۔
سن 1904 دے بہاولپور دے گزٹیر (رپورٹ) مطابق "بہاولپور" دے وَسنیکاں (باشندیاں) دی مادری زبان پنجابی ھائی، تے اوہ پنجابی دے درج ذیل لہجے بولدے سݨ؛
. مُلتانی یا مغربی پنجابی ـ
. پنجابی (جٹکی یا اُبھیچڑ) ۔
ملتان تے ڈیرہ غازی خان وچ وی ايھو جيے لہجے بولے جاندے سن۔
ساکوں سارے پنجابیاں کوں اپنے آباءواجداد تے اپنی پنجابی شناخت اُپر فخر تے مان ہونا چاہیدا اے. ساکوں رب دا شکر ادا کرنا چاہیدا اے، جس ساکوں پنجاب دی خوبصورت دھرتی تے عظیم پنجابی قوم وچ پیدا کیتا۔ تے رب دی ناشکری نہی کرنی چاہیدی۔
پنجابی قوم، ہڑپّہ انڈس تے گندھارا تہذیب دی امین تے وارث قوم اے. پنجابی قوم نے سکندر یونانی وَرگے نوں شکست دِتی. تے انگریز وی پورے برصغیر وِچوں سب توں آخر 1849ء وِچ ای پنجاب اُپر قبضہ کر سکیا، تے او وی پنجابیاں نال کئی خونریز جنگاں توں بعد ای قبضہ ہویا
اس واسطے اپنی عظیم پنجابی قوم تے فخر اور قدیم پنجابی تہذیب تے مان کر کے، بڑے اعتماد نال اپنی ماں بولی پنجابی پڑھو، لکھو تے بولو۔ شکریہ
جیوے پنجابی قوم، جیوے پنجاب، وسے پیارا پاکستان 🇵🇰
تسی بہت ودھیا کم کیتا
جواب دیںحذف کریںپنجابی بارے بڑیاں ودھیا گلاں دا پته لگیا اے سانوںاپنی ماںبولی تےمان ھونا چاهیدا اے تے ایهو جئ خدمت نوں سلام, سمان اتے شاباشی دینی بمدی اے
جواب دیںحذف کریںبانہوں ودھیا ویر جی۔
جواب دیںحذف کریں