اجکل سوشل میڈیا تے ڈائریکٹر جرنل ڈی ڈی اے (ڈیرہ غازی خان ڈویلپمنٹ اتھارٹی) چوہدری اسلم دے حوالے نال اک وڈیو چل رہی اے، اس وڈیو وچ اک بلوچی یار احمد لغاری بڑے تکبر، فخر تے غرور نال اپنا وڈیو بیان رکاڈ کروا کے آکھ ریا ہے، کہ میں اج اک پنجابی توں بدلہ لیا اے، او اس نو یاد رکھسی. تے ساڈی طاقت لہور تک اے. اسی اس نوں لہور وچ وی نہی چھوڑاں گے۔ نہ ساڈے بلوچی سردار فاروق خان لغاری تے ذوالفقار کھوسہ نے کدے کوئی پنجابی افسر پسند کیتا سی تے نہ اسیں کرنا اے. تے پنجابی واسطے وی نازیبا تے غیر مناسب الفاظ استعمال کر ریا اے۔
ظُلم تے ظُلم تد ہویا جدوں اس واقع اور اس بلوچی دے متکبرانہ تے مجرمانہ حرکت تے وزیراعلی پنجاب عثمان بزدار نے نوٹس لے کے انصاف نال کم لینڑ دی بجائے، حکومتی آفیسر چوہدری اسلم دا ای تبادلہ کر دتا۔ اور تبادلہ کرن تے اے بلوچی وزیراعلی پنجاب عثمان بزدار دامُکمل ڈھٹائ تے بے غیرتی نال شکریہ وی ادا کر ریا اے.
اسے جاگیردراناں تے تعصبانہ سوچ تے عمل دا نتیجہ ہے کہ پنجاب دا اے علاقہ اتنی ترقی نہی کر سکیا جتنی اس نوں کرنی چاہی دی ہائ، کیونکہ ہر دور دی حکومت وچ ایتھے دے لوک وڈی وڈی پوسٹاں تے رہے نیں، جیوے کہ، فاروق لغاری، یوسف رضا گیلانی، صاهب زادا فاروق علی، سید فخر امام، محمد لطیف کھوسہ، آصف سعید کھوسہ، ذوالفقار علی کھوسہ، دوست محمد کھوسہ، خسرو بختیار، شاہ محمود قریشی تے عثمان بزدار وغیرہ۔
دوستو ...!
حضرت علی (ر۔ض) دا مشہور قول ہے، کہ کفر دا نظام تے چل سکدا پر ظلم دا نہی، جے ڈائریکٹر جرنل ڈی ڈی اے چوہدری اسلم نے کسی نال کج برا کیتا ہائ، تے اس تے پولیس تے قانون نافذ کرن آلے ادارے دے ذریعے انصاف دے مطابق کاروائی ہوندی تے کسے نو کوئی اعتراض نا ہوندا۔ پر ایتھے تے قانون نو اپنے ہتھ اچ لینڑ دے نال نال نسلی تعصب نو وی ہوا دتی گئی۔ اور پنجابی ہونڑ دی وجہ تو نفرت تے تعصب دا نشانہ بنایا گیا۔ تے اے وی آکھیا گیا کہ پنجاب تو آنڑ آلے لوک، اس دا کیہ مطلب اے؟ کیہ ڈیرہ غازی خان پنجاب دا حصہ نہی؟ کیہ حکومت پاکستان دے جاری کردا پاکستان دے نقشے وچ موجود پنجاب دے علاقے وچ ڈیرہ غازی خان موجود نہی؟ ہر پاکستانی نو پتہ ہے کہ بلکل ڈیرہ غازی خان پنجاب دا حصہ اے۔ اور 1961 دی مردم شماری دے مطابق ڈیرہ غازی خان دے 95٪ لوکاں اپنی زبان نوں پنجابی لکھیا۔
اس دا صاف مطلب اے ہے کہ اے بلوچی تے پاکستان دے آیین، قانون تے پاکستانی نقشے دا وی مذاق اڑا ریا ہے۔ ساڈی حکومت پنجاب تے حکومت پاکستان تو اپیل اے کہ اس یار احمد لغاری دے خلاف (قانون اپنے ہتھ اچ لینڑ، نسلی تحصب بھیلانڑ تے پاکستان دے سرکاری نقشے نوں نا مننڑ تے) بھرپور تے فوری ایکش لیا جاوۓ، تے قانون دے مطابق سخت تو سخت کاروائی کیتی جاوے۔ تاکہ اے کیس اک مثال بنڑ جاؤۓ تے فر کوئی انج دی حرکت کرن دی جرت نا کرے۔ شکریہ
دوستو ...!
آؤ ہونڑ تصویر دا دوجا پاسا ویکھدے آں، کہ کیہ پنجابی قوم وی بلوچی لوکاں نال تعصب رکھدی اے؟
اس دا جواب اے بلکل وی نہی، اس دا اک وڈا تے زندہ ثبوت اے ہے، کہ اس ٹائم وی پنجاب دا وزیراعلی اک بلوچی اے، جس دا ناں عثمان بزدار تے تعلق ڈیرہ غازی خان تو اے۔ کیہ تسی اج تک ویکھیا یا سنڑیا کہ اٹک تو رحیم یار خان تک پنجاب دے کسے وی شہر یا پنڈ وچ کوئی احتجاج یا اعتزاض ہویا ہوے، کہ ساڈے پنجاب دا وزیراعلی اک بلوچی کیوں ہے؟ بلکل وی نہی۔ کیوں کہ پنجابی قوم واسطے اٹک تو رحیم یار خان تک پنجاب دے سارے شہر اپنی اپنی جاہ دے پوری اہمیت رکھدے نیں، تے پنجاب اچ رہن آلا ہر انسان جغرافیائی طور تے پنجابی اے، تے اس دا پنجاب تے حق اے، تے اس حق دے نال ای اس تے پنجابی قوم تے پنجاب دے اتحاد تے فلاح و بہبود دی ذمہ داری وی اے۔
دوستو ...!
آؤ ہونڑ تھوڑی گل کردے آں کہ بلوجستان وچ پنجابی قوم دے لوکاں نال کی سلوک ہوندا اے تے پنجاب وچ بلوجستان دے لوکاں نال کی سلوک ہوندا
بلوجستان وچوں پنجابی قوم دے لوکاں نوں کڈیا جاندا اے، جس دا باقائدہ آغاز صوبائی حکومت دی سرپرستی وچ 70 دی دہائی تو شروغ ہویا. جدو اس وقت دی بلوجستان حکوت نے پنجابی ڈاکڑز، استاد تے باقی محکمیاں وچوں، صرف پنجابی ہونڑ دی وجہ تو کدھ دتا۔ تے اے سلسلہ ہونڑ تک جاری اے، بلکہ پرویز مشرف دے وقت تو خونی ہو چکیا اے۔ حالانکہ پرویز مشرف پنجابی نہی سی، پر فر وی پرویز مشرف نال اختلاف دا بدلہ پنجابی قوم دے مرداں عورتاں نوں قتل کر کے لیا گیا تے لیا جا ریا اے۔ اس سب دا اقرار بلوچستان دے سابق وزیر داخلہ سرفراز بگٹی نے خود اپنے اک انڑویو وچ کیتا۔
ہونڑ تسی سوچ رہے ہوؤ گے، کہ بلوجستان وچ پنجابی قوم دے لوکاں نال اس دردناک تے تعصبانہ سلوک دے ردعمل وچ انج دا ای دردناک تے تعصبانہ سلوک پنجاب وچ رہندے بلوجستان دے لوکاں نوں درپیش آیا ہوسی؟
جی بلکل وی نہی، پنجاب وچ بلوجستان تو آۓ لوکاں نوں کدی وی اس بنیاد تے کہ تسی بلوجستان تو آۓ ہو، نہ نوکری وچوں کڈیا گیا، نہ پنجاب چھوڑن تے مجبور کیتا گیا، تے نہ ای شناختی کارڈ ویکھ کے بلوجستان تو آۓ کسی انسان نو قتل کیتا گیا۔
اس حوالے نال ثبوت دے طور تے صرف اک واقع تواڈی خدمت وچ پیش کردے آں، جو کچھ مہنے پہلے پیش آیا۔
5 نومبر 2020 نوں پنجابی کساناں دے احتجاج دے دوران پولیس نوں کساناں تے کیمیکل والا پانی سٹن دا حکم دتا گیا. جس نال 2 پنجابی کسان شہید ہو گئے، جس وچوں اک کسان اتحاد وہاڑی دے فنانس سیکرٹری ملک اشفاق احمد لنگڑیال وی سن۔
کسان مظاہرین اُپر کیمیکل رَلیا پانی سٹن دا حکم دینڑ آلا اک بلوچی ایس پی لاہور حفیظ الرحمن بگٹی ہائ۔ اس دی ویڈیو وی موجود اے، جس وچ حفیظ الرحمن بگٹی سرعام حکم دے رہا اے، کہ کوئی لحاظ کیتے بغیر ایناں تے کیمیکل رَلیا پانی سٹو تے چھٹی دا دودھ یاد کروا دیو۔
اے حفیظ الرحمن بگٹی اس ٹائم وی لاہور وچ اپنی پوسٹ ٹے موجود اے۔ نہ ای پنجابی قوم نے اس تے نسلی تعصب دا الزام لیا کہ اینا برا تے ظالم بلوچی سانوں ایتھے برداشت نہی، تے نہ ای وزیراعلی پنجاب عثمان بزدار نے نوٹس لے کے اس دے خلاف کوئی کاروائی دا حکم دتا تے نہ ای اس دا تبادلہ۔
پنجاب تے پنجابی قوم نے ہمیشہ ای بلوجستان تے بلوجستان دے لوکاں واسطے مثبت ای سوچیا تے کیتا۔ جناں دی کئی اک مثالاں موجود نیں، جیوے کہ گوادر نوں عمان تو خرید کے بلوچستان دا حصہ بنان آلا اک پنجابی فیروز خان نون ہائ، تے اس دی قیمت وی وفاق نے ادا کیتی ہائ۔ اٹھارویں ترمیم دے بعد وی پنجاب حکومت بلوچستان دے ہزاراں طالب علماں نوں کوٹہ سسٹم تے پنجاب دے گورنمنٹ کالجز تے یونیورسٹیز وچ داخلہ دتا جاندا اے، تے پنجاب حکومت بلوچستان دے ہزاراں طالب علماں نوں پرائویٹ کالجز تے یونیورسٹیز وچ وی مفت تعلیم دیوا رہی ہے تے نال وظیفے وی دے رہی اے،
حالانکہ پنجاب دے اپنے ذیادہ تر طالب علماں دا داخلہ اچھے نمبر ہونڑ دے باوجود وی پنجاب دے گورنمنٹ کالجز تے یونیورسٹیز وچ نہی ہوندا، جس دی اک وڈی وجہ اے کوٹہ سسٹم وی اے، پنجاب دے ذیادہ تر طالب علم پرائویٹ کالجز تے یونیورسٹیز وچ بھاری بھرکم فیساں دے کے تعلیم حاصل کرن تے مجبور نیں۔ اس تو علاوہ پنجاب حکومت بلوچستان وچ اپنے خرچے تے ہسپتال وی بنواندی اے۔
اسی امید رکھدے آں کہ، بلوچی بھائی اپنا رویہ تے سوچ وی مثبت کرن گے، تے اپنے اندر موجود نسلی تعصب تے چھوٹی ذہنیت دے لوکاں دا خود ای رستہ روکن گے۔ اس تو پہلے کہ بہت دیر ہو ونجے۔
آو سارے مل کے پاکستان دے 4 صوبیاں دے درمیان سیاستداناں دی پھیلیاں غلط فیہمیاں نوں دور کر کے، 4 صوبیاں دی عوام دی فلاح و بہبود تے علاقے دی ترقی واسطے کم کریے۔ شکریہ
کوئی تبصرے نہیں:
ایک تبصرہ شائع کریں